ჩვენ შესახებ

ჩვენი ისტორია და მისია

Lib.ge დაარსდა 2006 წელს, როგორც პირველი ქართული ელექტრონული ბიბლიოთეკა, რომელმაც მკითხველს კლასიკური და თანამედროვე ლიტერატურის ელექტრონულად გაცნობის უნიკალური შესაძლებლობა მისცა. წლების განმავლობაში, ის იქცა პოპულარულ პლატფორმად, რომელმაც მკითხველს ონლაინ წიგნების სამყარო გააცნო იმ დროს, როცა ინტერნეტი სრულიად ახალი გამოცდილება იყო ქართული საზოგადოებისთვის. 2024 წლიდან კი, ამ ციფრული ბიბლიოთეკის ბაზაზე შეიქმნა Lib.ge –  გიორგი კეკელიძის არაფორმალური განათლების აკადემია, რომელიც განახლდა, გაფართოვდა და თანამედროვე საგანმანათლებლო გამოწვევებს ღია, ცოცხალი სწავლების გარემოთი პასუხობს.

ჩვენი მისია

ხელი შევუწყოთ განათლებისა და წიგნიერების გავრცელებას როგორც საქართველოში, ისე მის ფარგლებს გარეთ. უზრუნველვყოთ ქართულენოვანი კულტურული რესურსების ხელმისაწვდომობა და შევქმნათ მრავალფეროვანი შესაძლებლობები სწავლისა და განვითარებისათვის.

ჩვენი ძირითადი მიზნებია:

ჩვენი საქმიანობა:

Lib.ge აერთიანებს ოთხ ძირითად მიმართულებას:

 ონლაინ ლიტერატურული ჟურნალი, საარქივო სივრცე და პლატფორმა ახალი ტექსტებისთვის.

სპეციალური პროგრამები უცხოეთში მყოფი ბავშვებისთვის, სადაც ისინი შეისწავლიან ქართულ ენას, ლიტერატურას, ისტორიას და სხვა საგნებს.

 პრაქტიკული და შემეცნებითი აქტივობები, რომლებიც აერთიანებენ თეორიულ ცოდნას სოფლის ცხოვრებასთან და ტრადიციებთან.

ღია ლექციების ყოველთვიური სერია ჰიბრიდულ ფორმატში. ცნობილი და ავტორიტეტული სპიკერები, როგორებიც არიან მერაბ ნინიძე, ანა კორძაია-სამადაშვილი და ლევან ბერძენიშვილი, განიხილავენ კულტურის, ისტორიის, ლიტერატურისა და განათლების აქტუალურ საკითხებს. ყველა შეხვედრა ჩაიწერება და ხელმისაწვდომი იქნება ონლაინ, რაც უზრუნველყოფს საჯარო განათლების მდგრადობას რთულ კულტურულ-პოლიტიკურ გარემოში.