გადაფრენა
გადაფრენა
- მომხვიე ხელი!
- ეს ხელი ხის ტოტია!..
- მომეცი
ტოტი
და ზამთრისკენ გაწვდილი ბუდე -
ჩიტსაც წავიღებ, როგორც ხურდას
- რომ დაგიბრუნდე
- ვდგავარ ნაპირთან და ზურგსუკან
ფრინველებს ვისვრი:
ზამრთისპირია.
ცივი თოვლი - ავი ძაღლია
( მოვგორავ თუკი, ლამისაა
ძვლებიც კი დახრას
ჩემი ) ეზოში
- გადააბი; გთხოვ,
მიახვეტე
მეორე ნაპირს ანუ ზამთრის
მიწურულს - მესერს;
საით მივდივართ - მე, ჩიტები
- ჩვენ უკვე ვიცით
და - სიკვდილიდან - მობრუნების
ყველა გზას ვეძებთ…
ეს ბინდიც - ყვავის
- ბუმბულია,
ქარს მოჰყვა - კარში;
მივხურე თვალი.
მე ღრმა ძილის ბუდეს ვიშენებ
- აქ მეყოლება, ალბათ, ბავშვი
- ჩემი სიზმარი
თუკი ახდება, შენ მოგიყვანს -
სიზმრის ბინადარს.
2010
.
