მე და ღამე
მე და ღამე
ხოლო თავი - თვითმკვლელობაზე
ფიქრით მანათობელი - ჩაშვებული
ლუდით სავსე კათხაში - ჩაკიდული
- ორმაგად გათრობს.
ჯერ უნდა გაიაზრო ცოცხალი ღამე,
ქაფმოდებული ყვითელი ღრუბლით -
ჩაიფინო მისი
აბრეშუმის დარი სიმსუბუქე, მისი
ხრწნადი სხეულის გაზი - ადამიანთა
წარმავალი ლხინით გაბერილი
ათასობით აეროსტატი,
გაშვებული უნაყოფო ნიადაგიდან.
მერე, მიუბრუნდე თავს,
წყვდიადში რომ გაგექცა თუ დაგექცა
ან - მოგიბრუნდეს, როგორც წყევლა
მაწყევრისა და მიხვდე,
რომ არ არსებობს: სიმწარე თვინიერ
საკუთარი სიცოხლისა... თესლი.
2009
.
