Login As
You can log in if you are registered at one of these services:
საბავშვო
ფოლკლორი
პროზა
ინტერვიუ
სამეცნიერო
ესე
ეპისტოლარული მემკვიდრეობა
ისტორია
დრამატურგია
სამართალი
პოეზია
პერიოდიკა
ლექსიკონები
აუდიო-ლიტერატურა
ნათარგმნები
ესე
სატანა VS ჭინკა


სატანა VS ჭინკა

 

 

"ნუ იქნებით უცხოური მოდის ბრმა თაყვანისმცემლები" - ეს სიტყვები რაღათქმაუნდა ილია მეორეს ეკუთვნის. ამის თქმა იყო და მთელ ერს ჯერ ფსიქიკური ერექცია დაემართა, მერე კი ერთადვე წამოიშალნენ ერთი ჩვეულებრივი კოსტიუმირებული კარნავალის - ჰელოუინის წინააღმდეგ.

ორი წლის წინ ვითომ მართლმადიდებლური, რეალურად კი ფაშისტური ორგანიზაციის მმკ-ს წევრებმა მათი წინამძღოლის, 21-ე საუკუნის ქართველი ინკვიზიტორის, დავით ისაკაძის მიერ ნაკურთხი მუშტებით კარგად ჩაუნაყეს თავ-პირი გასართობად შეკრებილ ახალგაზრდებს და ყველა, ვისაც ამ კარნავალში მონაწილეობის სურვილი ჰქონდა სატანისტებად შერაცხეს და შეაჩვენეს. ასე დატრიალდა ტოტალურად გაუნათლებელი, ფარისეველი და მოძალადე ცხვრის ჯოგის ბორბალი და გადაუარა ყველას, ვისაც კი სიტყვა "ჰელ......" დაცდა პირიდან.

მოძალადეთა არგუმენტები ასეთია: ჰელოუინი წარმართული წარმოშობისაა (მაშასადამე, "სატანისტური"). ჰელოუინი ამერიკულია, უცხოურია, "ფირმაა" (მაშასადამე, კიდევ უფრო "სატანისტური", აბა ჩვენთვის უცხოეთი ხომ მხოლოდ დასავლეთია, რუსეთი და აზია უფრო "ჩვენია" თურმე)

რატომ - გაუნათლებლები და ფარისევლები?

შევადაროთ:

ჭიაკოკონობას უკვე წლებია აღნიშნავს ლამის მთელი ერი.

ქუჩაში იწვება საბურავები, ფიცრები, ყველანაირი ნაგავი, აგიზგიზდება თუ არა მყრალი ცეცხლი, ალზე რიგრიგობით დახტუნავენ მართლმადიდებელი თუ არამართლმადიდებელი ახალგაზრდები. რატომღაც ამ დროს ეკლესია დუმს. არადა, ჭიაკოკონობა სწორედაც რომ წარმართული დღესასწაულია და ცეცხლზე მოხტუნავე გოგო-ბიჭები განასახიერებენ სატანებს (ჩვენებურად, ალქაჯებს). რა თქმა უნდა ჭიაკოკონას არცერთ მონაწილეს აზრადაც არ მოუვა იფიქროს რომ, ის სატანაა, სატანისტია და "ქართველობის" დანგრევა უნდა. არ იფიქრებს, იმიტომ რომ ჭიაკოკონობა ერთი ქუჩის გასართობი სანახაობაა, უბრალოდ არაცივილური ფორმით.

სატანას, ზომბს და სხვადასხვა "ბოროტ" პერსონაჟებს (ჩვენებურად, ალქაჯებს, ჭინკებს) განასახიერებენ ჰელოუინზეც, ოღონდ გაცილებით ცივილურად, სანახაობრივად, კოსტიუმირებულად და თეატრალურად, მუსიკის ფონზე გართობით, საშინელებათა ფილმების ჯგუფურად ყურებით და.ა.შ. მაგრამ რატომღაც წარმართულად ქუჩაში ცეცხლზე მოხტუნავესგან განსხვავებით, საკარნავალო კოსტიუმში გამოწყობილი ახალგაზრდას, ვინც ჰელოუინზე მიდის, ამ ბორბალში შებმული ჯოგი სატანისტებად, ღვთისმგმობელებად, არაადამიანებად და მართლმადიდებლობის მტრად თვლის. მარტივი მიზეზის გამო: არ იციან საკუთარი ჭიაკოკონობის წარმომავლობა და ისტორია.

ქართული შოვინიზმისა და პატარა ერის შვილობის კომპლექსის დამსახურებით, ბევრ ქართველს თავი ჯერ კიდევ ყველაზე აღმატებული ერის შვილი ჰგონია.

ბევრს ჯერ კიდევ სძულს "ამერიკული", უცხოური, "ფირმა" - და ზოგადად ყველაფერი, რაც კი დასავლური ცივილიზაციის მონაპოვარია. არადა ამ დროს, როგორია ეს ქართველი?

მან არ იცის რომელმა ცივილიზაციამ შექმნა კომპიუტერი, ტელევიზორი, მაცივარი, უთო, ელექტროობა, ონკანი. დადის უახლესი თაობის მობილური ტელეფონით, აცვია ჯინსები და კედები. ოთახში აუცილებლად უდგას პიანინო, უნთია ნათურა, აქვს მეტალოპლასტმასის კარ-ფანჯარა, რბილი იატაკი.

მათ არ იციან საიდან მოდის სახელმწიფოს მოწყობის დემოკრატიული თუ სხვა სახის პრინციპები, საიდან მოდის მხატვრობა, ფერწერა, ქანდაკება. არ იციან ვინ მოიგონა სკოლა, აკადემია, უნივერსიტეტი, ფილოსოფია, მეცნიერების სხვადასხვა დარგები. არ იციან ვინ შექმნა ელექტრონათურა. კლუბებში და ბარებში ერთობიან მაგრამ არ იციან ქლაბინგი ვინ, რომელმა ცივილიზაციამ მოიგონა.

აუცილებლად უსმენენ ლედი გაგას. ზოგიც ბითლზს, ზოგი 2 Pac და 50 Cent-ს, მაგრამ არ იციან საიდან არიან ისინი. აუცილებლად გეტყვიან, რომ გიჟდებიან გოჩა მანველიძესა და ტერენტი გრანელზე, ორივე "გრუზია", მაგრამ არ იციან რომ ლიტერატურა იწყება ბერძენი ჰომეროსით. გეტყვიან რომ გიჟდებიან (იტალიელების მოგონილ) ოპერაზე, სხედან შექსპირისეულ თეატრში და არ იციან რომ თეატრიც "უცხოელებმა" მოიფიქრეს. ძალიან უყვართ აიპოდი, მაგრამ არც მისი წარმომავლობა იციან. და საერთოდაც, გაიხედ-გამოიხედონ თავანთ გარშემო და დაასახელონ 5 ობიექტი/ნივთი რომელის წარმოშობის შესახებაც სმენიათ რამე... განა მართლა არ იციან? როგორ არა, მათ ძალიან კარგადაც იციან, რომ ყველაფერი რაც ჩამოვთვალე, სწორედ იმ "უცხოური მოდის", ამ შემთხვევაში, დასავლური (ევროპული და ამერიკული) ცივილიზაციის დამსახურებაა, რომელზეც პატრიარქი მოგვიწოდებს, რომ არ უნდა ავყვეთ.

არადა, თავის დროზე ეკლესიის მიერ ლამის ეშმაკის მანქანად შერაცხულ კომპიუტერს დღეს უკვე თვითონ საეკლესიო პირებიც მშვენივრად იყენებენ და ეშმაკის მეორე მანქანად შერაცხულ ტელევიზორითაც სიამოვნებით გადასცემენ თავიანთ ქადაგებებს.

იმ ეკლესიაში, რომელიც უცხოური მოდის აყოლას "გვიკრძალავს", უმაღლესი პირები ძალიან კომფორტულადაც დაქრიან "უცხოურ მოდაზე" აწყობილი 100 000-იანი ჯიპებით და მშვენივრად ლაპარაკობენ "უცხოური" 2000 ლარიანი აიფონებით.

რას აკეთებს ამ დროს მრევლი? ამ დროს ჩვენი მორალისტი გოგო-ბიჭები სხედან "უცხოურ" ბორბლებიან კომფორტულ სკამებზე, "უცხოურ" კომპიუტერებთან და თვალებდაჭყეტილები მასტურბირებენ "უცხოურ" პორნოებზე. მერე უცებ გაიგებენ რომ პატრიარქმა ბრძანა "უცხოურ მოდას" ნუ აყვებითო. პორნოს დააპაუზებენ, შემოცვივდებიან "ამერიკულ" ფეისბუქზე და "ამერიკული" Fuck You-თი დაგიწყებენ ლანძღვას მხოლოდ იმიტომ, რომ შენ "ამერიკულ" ჰელოუინზე წახვედი, რომელიმე პერსონაჟის კოსტიუმი გეცვა და მეგობრებთან ერთად კარგად მოილხინე!

ცხვრების მთელი ჯოგი გიწოდებს სატანისტს, არასულითქართველს, ამოსაძირკვს და გადასაშენებელს. მოიხდის ვალს ფარის წინამძღოლის წინაშე, ჩაკეცავს ფეისბუქს, დაპაუზებულ პორნოს ყურებას გააგრძელებს, ორგაზმს "ამერიკულ" ჯინსებში განიცდის. მერე კმაყოფილი სახით ადგება, "უცხოური" მობილურით მეგობრებს შეეხმიანება, სახლიდან გავა, გზაში, ავტობუსში უახლოესი მგზავრის უკანალზე მიჭყლეტილი პირჯვარს გადაისახავს, მეგობრები სადმე ერთად მოსხდებიან, მოილხენენ, დათვრებიან. გაახსენდებათ არასრულფასოვნების კომპლექსი, დაიწყებენ შარის ძიებას, იჩხუბებენ, დაალეწავენ თავზე ერთმანეთს ყველა "უცხოურ" ნივთს და თავპირდალეწილი (ან სხვისთვის თავ-პირის დამლეწველი) მაინც აუცილებლად იფიქრებს რომ ჰელოუინის კოსტიუმირებული კარნავალი სატანიზმია, მისი ქეიფი და გართობა კი - ქართულია, მართლმადიდებლური, ღვთით ნაკურთხი და კეთილი.

მეორე წელს ის ისევ იხტუნავებს ჭინკა-ალქაჯივით საბურავებზე დანთებულ ცეცხლზე, წარმართული წარმოშობის ჭიაკოკონაზე და მეორე წელსვე უცხოური პორნოს ყურებისას ისევ ამერიკული ფეისბუქიდან აუცილებლად გეტყვის, რომ ჰელოუინი ამერიკული მოდაა და მას არ უნდა აყვე.

სატანა VS ჭინკა

ქართული ჭინკა და ალქაჯი სატანა არაა.

უცხოური კი სატანაა, და თანაც, ქართველობას გადაშენებით ემუქრება თურმე, ჩვენს ჰელოუინურ კოსტიუმებში ჩამალული, აბაა...

P.S. - ილია მეორისა და მისი მრევლის გარდა, ოფიციალურად მხოლოდ იეჰოვას მოწმეები გმობენ ჰელოუინს, როგორც წარმართული წარმოშობისა და ქრისტიანობისათვის ყოვლად მიუღებელ დღესასწაულს. აი თუ არ გჯერათ, ამას დააკლიკეთ.

© ლიბერალი

.